Archives: Arddangosfeydd

Mikey Jones Tirnodau Wrecsam

Yr arddangosfa fwyaf yng nghwrt blaen yr amgueddfa ar Stryt y Rhaglaw yw cyfres o weithiau celf gan yr artist tirlun o ogledd Cymru, Mikey Jones.

Daeth Mikey Jones i enwogrwydd gyda’i furlun ‘Wrexham Skyline’ a arddangoswyd yn hen Ganolfan Gelfyddydau Wrecsam, gan atgoffa pobl o dreftadaeth drefol y dref. Ers hynny, mae galw mawr wedi bod am ei baentiadau mewn olew o dirnodau a thirweddau ar draws gogledd Cymru ymysg preswylwyr lleol, ‘alltudion’, ymwelwyr a chasglwyr celf.

Fe gysylltodd Amgueddfa Wrecsam â Mikey Jones i holi a fyddai’n fodlon gadael i ni ailgynhyrchu rhai o’i baentiadau o dirnodau ym mwrdeistref sirol Wrecsam i’w harddangos yng nghwrt blaen yr amgueddfa ac roeddem wrth ein bodd pan gytunodd o.

Dywedodd Mikey Jones wrth yr amgueddfa “Dwi’n caru paentio golygfeydd o Wrecsam a’r dalgylch. Mae yna gymaint o harddwch a hanes diddorol, mae’n dal i deimlo nad yw wedi cael ei gyffwrdd yn iawn gan baentwyr tirwedd blaenorol. Mae’r cyfle yma a’r rhyddid i hyrwyddo yr hyn sydd gennym ni yn ein rhan ni i’r byd wedi fy nghyffroi i erioed.

Rwyf wedi bod yn paentio golygfeydd o’r ardal leol ers dros ddegawd bellach ac mae’r newid cadarnhaol yn agweddau pobl tuag at gelf sydd wedi’i seilio ar Wrecsam sydd yn gysylltiedig â llwyddiant Clwb Pêl-droed Wrecsam a thwf cyffredinol yn hyder y gymuned yn wych. Mae mwy a mwy o bobl bellach eisiau celf sydd wedi’i seilio ar Wrecsam i fyny ar eu waliau!

Roeddwn i wrth fy modd yn gweithio gydag Amgueddfa Wrecsam i greu arddangosfa gyhoeddus yn dangos fy mhaentiau o dirnodau lleol ar y byrddau allanol yn eu cwrt blaen, er mwyn dathlu ein tirnodau pensaernïol a naturiol.”

Er mai dim ond dros dro yr arhosodd JMW Turner a Louise Rayner yn Wrecsam i baentio, gall ymwelwyr werthfawrogi faint o’r ardal mae Mikey Jones wedi ei archwilio a’i baentio mewn olew dros y ddegawd ddiwethaf yn y gweithiau a ddewiswyd i’w harddangos y tu allan i Amgueddfa Wrecsam.

Dragons Warriors – Dreigiau Rufelwyr

Mae Dragons Warriors – Dreigiau Rufelwyr, yn cynnwys detholiad o ffotograffau, a dynnwyd gan y ffotograffydd o dde Cymru, Nigel Whitbread, yn ystod Cwpan y Byd Digartref 2019, a gynhaliwyd ym Mharc Bute, Caerdydd.

Mae Dragons Warriors – Mae Dreigiau Rufelwyr bellach i’w gweld ar gwrt blaen Amgueddfa Wrecsam.

Mae Nigel yn disgrifio’r arddangosfa: “Teithiodd mwy na 500 o chwaraewyr yn cynrychioli dros 50 o wledydd i Dde Cymru yn 2019 i fynychu’r ŵyl bêl-droed am ddim wythnos o hyd a gynhaliwyd ym Mharc Bute eiconig Caerdydd, yng nghanol prifddinas Cymru.

“Nod y delweddau sydd yn yr arddangosfa yw adlewyrchu yn ei hanfod a chynrychioli trawstoriad o bobl ddigartref. Sut maen nhw i gyd, er gwaethaf eu gwahaniaethau, yn ceisio goresgyn yr arwahanrwydd oddi wrth weddill y gymdeithas, a sut mae cymryd rhan yng Nghwpan y Byd Digartref yn rhoi ymdeimlad o rymuso iddynt a’r wybodaeth eu bod yn rhan o rywbeth mwy na nhw eu hunain.”

“Wrth bori drwy’r lluniau, gobeithio na fyddwch chi’n edrych ar y boi neu’r ferch ar y stryd mewn ffordd ystrydebol, fel pobol mewn drysau yn gofyn am arian, ond yn syml fel pobol sydd heb gartref i fynd iddo. Gwerthfawrogwch fod yna stori i’w hadrodd am bob un ohonyn nhw ynglŷn â pham maen nhw lle maen nhw a deall bod yna ffyrdd y gall pobl newid eu sefyllfa er gwell o gael y gefnogaeth gywir.”

Darganfod mwy

Up The Town – Cefnogwyr Wrecsam AFC

Arddangosfa Ffotograffiaeth Newydd ar Flaengwrt Amgueddfa Wrecsam

Blaengwrt Amgueddfa Wrecsam yw lleoliad arddangosfa ffotograffiaeth awyr agored newydd gan Carwyn Rhys Jones, ffotograffydd dogfennol o Ogledd Cymru.

Mae’r arddangosfa yn rhan o brosiect ehangach sy’n canolbwyntio ar brofiadau bywyd cefnogwyr CPD Wrecsam a’u hymrwymiad i’r clwb.

Dechreuodd Carwyn Rhys Jones y prosiect oherwydd ei gred ym mhwysigrwydd cefnogwyr i glybiau pêl-droed a sut mae’r storïau am eu bywydau yn rhan allweddol o’u perthynas â’r clwb. Rhoddodd Carwyn y prosiect ar waith trwy gysylltu â nifer o glybiau cefnogwyr Wrecsam, a thrwy roi gwell syniad iddynt o’r gymuned sy’n cefnogi CPD Wrecsam.

Dywedodd Carwyn Rhys Jones “Dechreuais ar y prosiect ar ôl cwrdd â Richard Chadwick a chlywed am sut oedd cefnogi’r clwb wedi chwarae rhan allweddol yn ei fywyd fel oedolyn. Rhannais stori Richard ar Instagram, ac fe aeth y prosiect o nerth i nerth, gyda mwy o bobl yn cymryd rhan, gan gynnwys Arthur Massey, cefnogwr hynaf Wrecsam; Kerry Evans, swyddog cyswllt anabledd y clwb; a Tim Edwards, golygydd y cylchgrawn i gefnogwyr, Fearless in Devotion.

“Dewisais amrywiaeth o gefnogwyr ar gyfer yr arddangosfa, gan fy mod i eisiau cynrychioli pawb. Dwi’n teimlo fod y prosiect wedi fy ngwneud yn hyd yn oed mwy o gefnogwr CPD Wrecsam. Mae teyrngarwch y cefnogwyr i’r clwb yn rhagorol.”

Agorir yr arddangosfa ffotograffiaeth am Hanner Dydd, ddydd Sadwrn 19 Tachwedd 2022 ar flaengwrt yr amgueddfa ar Stryt y Rhaglaw.

Chwedlau’r Crysau: Crys wrth Grys – Hanes Pêl-droed Cymru

O’r crys cyntaf rydych wedi bod yn berchen arno yn blentyn i’r copi tîm clwb neu genedlaethol diweddaraf, mae cefnogwyr pêl-droed yn caru crysau pêl-droed.   Mae rhai yn cael eu hystyried yn glasuron dyluniad erbyn hyn, eraill ddim.  Ond mae gan y cyfan le yn y gêm a chwedl i’w hadrodd.   Mae Chwedlau’r Crysau yn rhoi cipolwg o hanes y gêm yng Nghymru.. a chyrchfan i bawb o bob man sy’n caru crysau pêl-droed.

Mae Chwedlau’r Crysau’n adrodd hanes pêl-droed Cymru drwy’r crysau dethol sydd yng Nghasgliad Pêl-droed Cymru a rhai ar fenthyg gan unigolion preifat. Mae’r detholiad yn amlygu stori pêl-droed dynion a merched, ar lefel genedlaethol a lefel clybiau. Wedi’i hamseru i gyd-fynd â’r paratoadau at Gwpan y Byd yn Qatar, mae’r arddangosfa’n cynnwys:

  • Crys a wisgwyd gan Alan Harrington yng ngemau rhagbrofol Cwpan y Byd 1958.
  • Crys o unig ymddangosiad Cymru hyd yma yn rowndiau terfynol Cwpan y Byd ym 1958.
  • Crysau Cymru o ymgyrch rhagbrofol 2022.
  • Crys a wisgwyd yn y gêm ryngwladol gyntaf swyddogol i ferched Cymru yn 1993.
  • a chrysau retro o dimau gorau Cymru: Wrecsam, Dinas Caerdydd, Dinas Abertawe a Sir Casnewydd.

Mae’r arddangosfa ar agor nawr i’r cyhoedd ac mae mynediad am ddim.

Mae Amgueddfa Wrecsam ar agor o ddydd Llun – dydd Gwener 10am tan 4.30 p.m a dydd Sadwrn 11am tan 3.30 p.m.

Darganfod mwy am Brosiect Amgueddfa Bêl-droed Cymru

Mae cynlluniau ar y gweill i adeiladu Amgueddfa Bêl-droed newydd sbon i Gymru ochr yn ochr ag Amgueddfa Wrecsam ar Stryt y Rhaglaw sydd wedi’i hailwampio’n llawn.

Bydd yr ‘amgueddfa dau hanner’ newydd yn atyniad cenedlaethol newydd o bwys i Ganol Dinas Wrecsam, gan ddathlu pêl-droed Cymru, ddoe a heddiw, yn ei holl amrywiaeth, ochr yn ochr â lleoliad gwell o’r radd flaenaf ar gyfer darganfod y stori hynod ddiddorol a chyffrous. ein rhanbarth yng ngogledd-ddwyrain Cymru.

Darganfyddwch fwy yma.

Rhoi Wrecsam ar y Map

Yn rhan o raglen ‘Trysorau ar Daith’, mae’r Llyfrgell Brydeinig yn benthyg tri gwrthrych sydd â pherthnasedd penodol i Wrecsam a gogledd-ddwyrain Cymru. 

Mae arddangosfa ddiweddaraf Amgueddfa Wrecsam Rhoi Wrecsam ar y Map, wedi’i ysbrydoli gan yr eitemau hanesyddol hynod o bwysig yma o gasgliadau’r Llyfrgell Brydeinig:   

  • Y map cywir cynharaf o ardal Wrecsam – map o siroedd Sir Ddinbych a Sir y Fflint a luniwyd gan Christopher Saxton yn 1577 a’i gynnwys yn atlas personol William Cecil, Arglwydd Burghley 1af, Ysgrifennydd Gwladol i Frenhines Elizabeth I.
  • Arolwg pwysig gan John Norden o diroedd tywysog Cymru, a ysgrifennwyd yn 1620 ac sy’n cynnwys y darluniau manwl cynharaf sydd yn dal i oroesi o Gastell Holt. 
  • Nodiadur gwerthwr llyfrau a arferai fod yn berchen i Sion Gruffydd (John Griffiths) o Riwabon, wedi’i ddyddio o ddiwedd y 17eg Ganrif.

Mae’r tair llawysgrif yn enghraifft o sut y cafodd Wrecsam ei arolygu yn y canrifoedd diwethaf a sut y cafodd y dref a’r dalgylch ei gynrychioli ar y mapiau. 

Gyda hyn mewn golwg, mae’r arddangosfa yn edrych ar ffyrdd eraill y mae Wrecsam wedi dod yn adnabyddus: ei glwb pêl-droed, Wrexham FC; ei draddodiad bragu, wedi’i symboleiddio’n fwyaf amlwg yn Wrexham Lager; ei ddiwydiant trwm megis haearn a glo, yr ymyriadau a chaledi; merched Wrecsam sydd wedi sicrhau bod Wrecsam wedi chwarae ei ran mewn digwyddiadau cenedlaethol; a sut mae’r celfyddydau a diwylliant dros y blynyddoedd diwethaf wedi helpu i drawsnewid enw da’r dref. 

Mae’r arddangosfa hefyd yn cynnwys:

  • Hen ffilm hyrwyddol o’r archif o Wrecsam yn y 1980au a gynhyrchwyd gan Fideo Cymunedol Wrecsam ar gyfer Cyngor Bwrdeistref Maelor Wrecsam
  • Rhaglen ddogfen fer a gomisiynwyd yn arbennig gan Ryan Saunders a Chloe Goodwin ar sut mae’r celfyddydau a diwylliant yn newid agweddau yn Wrecsam
  • Dwy ffilm ‘Ein Wrecsam’, a recordiwyd yn ystod y pandemig am bwysigrwydd Clwb Pêl-droed Wrecsam ac addysg Merched yn Wrecsam.
  • a rhywfaint o weithgareddau i oedolion a phlant sydd wedi’u hysbrydoli gan thema mapiau: caiff oedolion (a phlant) eu herio i greu eu map eu hunain o Wrecsam, tra bod ymwelwyr iau yn gallu ymgymryd â’r her ‘arwyddion’.

Mae Rhoi Wrecsam ar y Map yn agor dydd Sadwrn, 28 Mai a bydd ar agor tan ddydd Sadwrn 27 Awst 2022. Mae mynediad yn rhad ac am ddim.

#wrecsamarymap #wrexhamonthemap

Brics Bychain: Tirnodau mewn brics LEGO®

18.02.2022 – 07.05.2022

Brics Bychain: Dewch i weld y byd wedi’i adeiladu  brics LEGO®

Maen nhw’n un o’r cwmnïau tegannau mwyaf adnabyddus a llwyddiannus yn y byd – ond oeddech chi’n gwybod bod brics LEGO® yn arfer cael eu gweithgynhyrchu yma yn Wrecsam?

I ddechrau cynhyrchwyd y brics byd-enwog mewn ffatri ar Hugmore Lane ar Stad Ddiwydiannol Wrecsam. Yn ddiweddarach adeiladodd LEGO ganolfan ddosbarthu newydd yn y DU ar Ffordd Rhuthun.

Mae llawer o bobl leol yn dal i gofio safle Ffordd Rhuthun yn arbennig. Pwy allai anghofio’r brics LEGO anferth, eiconig a oedd unwaith yn sefyll wrth ymyl y fynedfa?

I ddathlu’r cysylltiad hanesyddol hwn rhwng Wrecsam a’r gwneuthurwr teganau o Ddenmarc bydd Amgueddfa Wrecsam yn cynnal Brics Bychain, arddangosfa deithiol gan Warren Elsmore sy’n cynnwys modelau ei dîm o adeiladau, henebion a strwythurau enwog wedi’u gwneud o frics LEGO.

Bydd yr arddangosfa’n cynnwys amgueddfa LEGO Warren Elsmore yn cynnwys modelau a chynnyrch o flynyddoedd cynnar y cwmni hyd at heddiw.

Yn naturiol, bydd ardal yn yr oriel lle gallwch chi adeiladu eich modelau LEGO eich hun. Edrychwch hefyd am newyddion am y diwrnodau digwyddiadau arbennig yn ystod yr arddangosfa!

 

Tirnod enwog Wrecsam i’w gynnwys

Uchafbwynt yr arddangosfa fydd y model sy’n dathlu rhyfeddod peirianneg sifil oes y gamlas, ein Safle Treftadaeth y Byd lleol, Traphont Ddŵr Pontcysyllte, a grëwyd yn benodol ar gyfer yr arddangosfa hon.

Mae myfyrwyr dylunio Prifysgol Glyndŵr hefyd yn cyfrannu ffilm a model o adeilad Ysgol y Celfyddydau Creadigol i’w harddangos yn yr arddangosfa.

Delwedd: Trwy garedigrwydd Warren Elsmore.

  • Bydd Brics Bychain i’w gweld o 18 Chwefror tan – 7 Mai 2020.
  • Mae mynediad AM DDIM.

Holt Cudd: Hanes Safle Rhyfeinig

32181

Ar Orffennaf 17eg 2021 agorir Holt Cudd: Hanes Safle Rhyfeinig, yr arddangosfa newydd gyntaf yn Amgueddfa Wrecsam ers diwedd y broses gloi.

Mae’r teitl, Holt Cudd, yn gyfeiriad at y safle Rhufeinig o bwys cenedlaethol sydd wedi’i guddio o dan wyneb y caeau i’r gogledd-orllewin o’r pentref ffiniol poblogaidd.

Mae pentref Holt wedi dathlu ei gysylltiadau â’r Ymerodraeth Rufeinig ers amser maith a chyfeiriwyd at y pentref ar un adeg fel ‘Castle Lyons’, y credwyd ei fod yn deillio o enw hŷn sy’n golygu castell neu wersyll y llengoedd.

Mae’r arddangosfa’n datgelu stori sut y cafodd y safle Rhufeinig hwn, a gollwyd unwaith, ei ail-ddarganfod yn gynnar yn yr 20fed ganrif a’i gloddio yn y blynyddoedd cyn y Rhyfel Byd Cyntaf. Mae’r arddangosfa’n arddangos y darganfyddiadau niferus o’r cloddiadau hyn, nad yw’r mwyafrif ohonynt wedi’u harddangos yng ngogledd-ddwyrain Cymru ers dros ganrif.

TREFNWCH EICH APWYNTIAD BRECHLYN COVID-19 AR-LEIN.

‘Blwyddyn treftadaeth Rufeinig Wrecsam’

Mae Holt Cudd yn brosiect ar y cyd rhwng Amgueddfa Genedlaethol Cymru, Cymdeithas Hanes Lleol Holt, Prifysgol Glyndwr Wrecsam ac Amgueddfa Wrecsam.

Dywedodd Dr Kath Davies, Cyfarwyddwr Casgliadau ac Ymchwil, Am aelod Cymru, “Rydym yn falch o’n hymrwymiad i sicrhau bod y casgliadau cenedlaethol ar gael mor eang â phosibl. Cafodd y darganfyddiadau o’r cloddio eu caffael gan yr amgueddfa genedlaethol bron i ganrif yn ôl a byddant nawr yn ffurfio craidd yr arddangosfa bwysig hon yn Wrecsam.”

Dywedodd Sue Payne, cadeirydd Cymdeithas Hanes Lleol Holt “Ffurfiwyd Cymdeithas Hanes Lleol Holt ym 1992 ac ar hyn o bryd mae ganddi 100 aelod. Byth ers hynny rydym wedi bod yn awyddus i ddarganfod mwy am hanes Holt – yn enwedig y gweithiau Teils a Chrochenwaith Rhufeinig a gloddiwyd ym 1907-15. Comisiynodd y gymdeithas Arolwg Geoffisegol ac adroddiad gan ASW (Archaeology Survey West) yn 2018. Yna ymwelon ni ag Amgueddfa Genedlaethol Cymru, Caerdydd a St Fagan’s i weld darganfyddiadau’r cloddio, a roddwyd i Gaerdydd ym 1925.

“Rydyn ni’n falch iawn bod hyn wedi arwain at gynllun Amgueddfa Wrecsam i gynnal arddangosfa fawr, sy’n adrodd stori’r cloddiad, ac yn arddangos tua 80 o wrthrychau na welwyd yng ngogledd Cymru er 1925. Rydym wedi bod yn falch ein bod wedi bod yn helaeth cymryd rhan yn ei baratoi. ”

Dywedodd Aelod Arweiniol Cymunedau, Partneriaethau, Gwarchod y Cyhoedd a Diogelwch, y Cynghorydd Hugh Jones: “Mae 2021 yn troi allan i fod yn Flwyddyn Treftadaeth Rufeinig Wrecsam: mae Moch Plwm Rhufeinig Rossett yn cael ei arddangos yn yr Amgueddfa Brydeinig yn Llundain, mae cynlluniau ar y gweill ar gyfer cloddio yr hydref hwn i mewn i safle fila a ddarganfuwyd hefyd ger Rossett, a mae arddangosfa Hidden Holt wedi rhoi cyfle i grŵp hanes lleol weithio gyda’u hamgueddfa leol, eu prifysgol leol ac Am Am ​​Cymru-Amgueddfa Genedlaethol Cymru i greu arddangosfa arbennig ar ein safle Rhufeinig pwysicaf gan ddod â chasgliadau Rhufeinig Holt adref am y tro cyntaf mewn can mlynedd

“Rydym yn hynod lwcus ein bod wedi gweld cymaint o ddarganfyddiadau Rhufeinig cyffrous wedi eu darganfod ar garreg ein drws yma yn Wrecsam. Byddwn yn annog pawb i ymweld â’r arddangosfa a manteisio ar y cyfle i weld y casgliad rhyfeddol hwn yn agos.”

Rhai uchafbwyntiau i edrych amdanynt

Mae’r arddangosfa’n cynnwys:

  • Yr Esclusham Hoard – trysorfa o ddarnau arian Rhufeinig anhygoel a ddarganfuwyd ger Wrecsam ac sy’n cael eu harddangos yn y dref am y tro cyntaf erioed.
  • Cyflwyniad fideo ar Hidden Holt a gynhyrchwyd gan fyfyrwyr ym Mhrifysgol Glyndŵr Wrecsam yn cynnwys lluniau drôn a delweddau lliwgar o gloddiad 1907–15 diolch i sgiliau a gwaith caled grŵp bach o ddylunwyr graffig ifanc.
  • Gweithgareddau llwybr ac oriel plant
  • Stondin hunlun Rhufeinig Holt ar gyfer y rhai a hoffai recordio eu hymweliad ag Amgueddfa Wrecsam
  • Dau ddigwyddiad cwrt blaen ar Orffennaf 24ain ac Awst 21ain mewn cydweithrediad â Roman Tours a Park In The Past.

Bydd safle Rhufeinig Holt’s hefyd yn destun un o’r sgyrsiau yng Ngŵyl Archeoleg Prydain Cymru ar Orffennaf 29ain sy’n cael ei drefnu gan Amledd Cymru-Amgueddfa Genedlaethol Cymru a’r pedair ymddiriedolaeth archeolegol ranbarthol yng Nghymru.

Mae Hidden Holt i’w weld rhwng Gorffennaf 17eg a Ionawr 29ain 2022.

Nôl i’r Ysgol | Oriel 3

O Chwefror 17eg 2020

Mae arddangosfa ddiweddaraf Amgueddfa Wrecsam, Nôl i’r Ysgol, yn cofnodi sut mae ysgolion lleol wedi newid dros y ddwy ganrif ddiwethaf drwy atgofion, cofroddion, archifau a hen ffotograffau.

Mae’n dathlu un o’r cyfnodau bywyd hynny rydym ni i gyd yn mynd drwyddo – dyddiau gorau ein bywyd, y carchar yr oeddem i gyd am ei ddianc, dechreuad ffrindiau oes a ffynhonnell atgofion melys a straeon doniol – gydag athrawon ysbrydoledig neu athrawon yr oeddent am eu profi’n anghywir.

Mae’r arddangosfa yn cynnwys:

  • Arteffactau hanesyddol a deunydd archifol yn ymwneud ag ysgolion lleol o fewn y ddau gan mlynedd diwethaf, o gasgliad yr amgueddfa ac eitemau ar log gan aelodau o’r gymuned
  • Cyfres o recordiadau hanesyddol am fywyd fel athro ac fel disgybl yn St David’s, Cartfle, Grove Park Boys, Grove Park Girls, yr ysgolion preswyl a’r ysgolion cyfrwng Cymraeg cyntaf.
  • Cyflwyniad o’r casgliad o luniau ysgolion a gafwyd gan sesiynau apêl am luniau’r amgueddfa yn Wrecsam, Y Waun, Rhiwabon, Brynteg ac Owrtyn.
  • Man gwisg ffansi
  • Trywydd gweithgareddau plant, gan gynnwys ymarfer ‘Drill’ Ysgol Breswyl. Cadwch yn heini! Yn addas i oedolion hefyd.

Dros y misoedd nesaf, bydd ymwelwyr i’r arddangosfa yn gallu mwynhau atgofion o’r ysgol sy’n cael eu casglu a’u recordio gan wirfoddolwyr prosiect hanes llafar Calon FM, School Days: Stories from the Schoolyard. Bydd y recordiadau yn sail i chwe rhaglen ar hanes ysgolion Wrecsam. Mae staff yr amgueddfa yn recriwtio gwirfoddolwyr o hyd i helpu gyda’r prosiect.

Nôl i’r Ysgol! | Oriel 3

Arddangosfa newydd yn Amgueddfa ac Archifdy Bwrdeistref Sirol Wrecsam

Mae arddangosfa ddiweddaraf Amgueddfa Wrecsam, Nôl i’r Ysgol, yn cofnodi sut mae ysgolion lleol wedi newid dros y ddwy ganrif ddiwethaf drwy atgofion, cofroddion, archifau a hen ffotograffau.

Mae’n dathlu un o’r cyfnodau bywyd hynny rydym ni i gyd yn mynd drwyddo – dyddiau gorau ein bywyd, y carchar yr oeddem i gyd am ei ddianc, dechreuad ffrindiau oes a ffynhonnell atgofion melys a straeon doniol – gydag athrawon ysbrydoledig neu athrawon yr oeddent am eu profi’n anghywir.

Mae’r arddangosfa yn cynnwys:

  • Arteffactau hanesyddol a deunydd archifol yn ymwneud ag ysgolion lleol o fewn y ddau gan mlynedd diwethaf, o gasgliad yr amgueddfa ac eitemau ar log gan aelodau o’r gymuned
  • Cyfres o recordiadau hanesyddol am fywyd fel athro ac fel disgybl yn St David’s, Cartfle, Grove Park Boys, Grove Park Girls, yr ysgolion preswyl a’r ysgolion cyfrwng Cymraeg cyntaf.
  • Cyflwyniad o’r casgliad o luniau ysgolion a gafwyd gan sesiynau apêl am luniau’r amgueddfa yn Wrecsam, Y Waun, Rhiwabon, Brynteg ac Owrtyn.
  • Man gwisg ffansi
  • Trywydd gweithgareddau plant, gan gynnwys ymarfer ‘Drill’ Ysgol Breswyl. Cadwch yn heini! Yn addas i oedolion hefyd.

Dros y misoedd nesaf, bydd ymwelwyr i’r arddangosfa yn gallu mwynhau atgofion o’r ysgol sy’n cael eu casglu a’u recordio gan wirfoddolwyr prosiect hanes llafar Calon FM, School Days: Stories from the Schoolyard. Bydd y recordiadau yn sail i chwe rhaglen ar hanes ysgolion Wrecsam. Mae staff yr amgueddfa yn recriwtio gwirfoddolwyr o hyd i helpu gyda’r prosiect.

Agorodd yr arddangosfa ar 17 Chwefror, a bydd ar agor nes 20 Mehefin, 2020.
Am ragor o wybodaeth, ffoniwch 01978 297 460 neu dilynwch yr Amgueddfa ar facebook.

Lawrlwytho:

Aelodau Yn Unig: Agor y Drysau i Gymdeithasau Cudd Wrecsam | Oriel 1

Mae clybiau a chymdeithasau wedi bod yn rhan o fywyd yn Wrecsam ac ar draws y sir ers y ddeunawfed ganrif. Mae hanes y grwpiau hyn wedi eu cynnwys mewn arddangosfa newydd ym mhrif oriel Amgueddfa Wrecsam, Aelodau Yn Unig: Agor y Drysau i Gymdeithasau Cudd.

Set o ‘naw teclyn’ y saer rhydd, a ddefnyddiwyd mewn seremonïau gan swyddogion Cyfrinfa Gredington, Rhiwabon [WREMA 2019.21.1]

Mae dynion a merched, ar wahân neu gyda’i gilydd, wedi dod ynghyd i ffurfio cymdeithasau er mwyn amddiffyn eu hunain neu eu cymunedau, cyflawni gwaith da, ymgysylltu mewn gwaith dyngarol a mwynhau cwmni ei gilydd am ganrifoedd. Dau gan mlynedd yn ôl, roedd unrhyw fath o ddigwyddiadau torfol yn cael eu hystyried mewn modd drwgdybus gan y wladwriaeth, ac roedd rhaid i nifer o grwpiau gadw proffil isel neu guddio eu gwir fwriadau, gan ofn y gyfraith. Arweiniodd hyn at gymdeithasau ‘cudd’. Mae’r arddangosfa hwn yn agor y drysau ar y byd ‘cudd’ hwn.

Banner Clwb Wrecsam, Ffederasiwn Cenedlaethol Clybiau Busnes a Merched Proffesiynol, tua 1968 [WREMA 94.14]

Mae’r arddangosfa, a grëwyd gyda chymorth gwirfoddolwyr a chefnogwyr Treftadaeth Wrecsam, yn cynnwys gwrthrychau ac archifau hanesyddol mewn perthynas â:

  • Loyal Order of Ancient Shepherds
  • Ancient Order of Foresters
  • Independent Order of Oddfellows
  • Y Seiri Rhyddion
  • Royal Antediluvian Order of Buffaloes
  • Y Rotari
  • Cymdeithas Merched Busnes a Phroffesiynol Cenedlaethol
  • Y Soroptimyddion ac eraill.

Mae’r arddangosfa wedi cael ei greu gyda chymorth Mike Edwardson, Toni Robbins ac Alan Jones. Maent wedi cynorthwyo i ddewis gwrthrychau ac ymchwilio’r casgliad, sydd wedi eu greu gan gyfraniadau gan aelodau o’r grwpiau lleol hyn neu eu disgynyddion. Ychydig iawn o’r gwrthrychau hyn sydd wedi cael eu harddangos o’r blaen, ac nid yw nifer o’r gwrthrychau wedi cael eu harddangos yn gyhoeddus yng Nghymru erioed.
Mae’r arddangosfa ar ddangos ym mhrif oriel Amgueddfa Wrecsam.